പെരുമ്പാവൂര്‍:ആധുനിക സമൂഹത്തിലെ ചിന്തകളും പ്രവര്‍ത്തനങ്ങളും നവോത്ഥാന മൂല്യങ്ങളെ ദുര്‍ബലപ്പെടുത്തുന്നതാണെന്ന് കെ.പി.എം.എസ്. രക്ഷാധികാരി പുന്നല ശ്രീകുമാര്‍ അഭിപ്രായപ്പെട്ടു. എറണാകുളം ജില്ലാ സ്‌പെഷല്‍ കണ്‍വെന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നവോത്ഥാന മൂല്യങ്ങള്‍ ദുര്‍ബലപ്പെടുത്തുംവിധമുള്ള ജീര്‍ണതകള്‍ തടയാന്‍ പുരോഗമന പ്രസ്ഥാനങ്ങളുടെ യോജിച്ച പ്രവര്‍ത്തനം അനിവാര്യമാണെന്നും അദ്ദേഹം പറഞ്ഞു. ജില്ലാ പ്രസിഡന്റ് എം.കെ. വേണുഗോപാല്‍ അധ്യക്ഷത വഹിച്ചു. ഭാരവാഹികളായ കെ. വിദ്യാധരന്‍, പി. സജീവ്കുമാര്‍, എം.ബി. രഘു, ടി.വി. ശശി, കെ.കെ. സോമസുന്ദരന്‍, കെ.കെ. സന്തോഷ്, കെ.എന്‍. മോഹനന്‍, പി.സി. ശിവന്‍, എന്‍.എ. കുഞ്ഞപ്പന്‍ തുടങ്ങിയവര്‍ സംസാരിച്ചു. ഗോപി ചൂണ്ടമല സ്വാഗതവും കെ.എ. ചന്ദ്രന്‍ നന്ദിയും പറഞ്ഞു.
No comments:
Post a Comment