കോതമംഗലം: സാമൂഹിക നീതിക്കും സുരക്ഷിതത്വത്തിനും വേണ്ടി രണ്ടാം നവോത്ഥാനത്തിനായി കെ.പി.എം.എസ്. പോരാടുമെന്ന് സംസ്ഥാന രക്ഷാധികാരി പുന്നല ശ്രീകുമാര്‍ പറഞ്ഞു. കെപിഎംഎസ് കോതമംഗലം യൂണിയന്‍ വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കല ഓഡിറ്റോറിയത്തില്‍ സംഘടിപ്പിച്ച സമ്മേളനത്തില്‍ യൂണിയന്‍ വൈസ് പ്രസിഡന്റ് കെ.ഒ. പ്രകാശ് അധ്യക്ഷത വഹിച്ചു.
സംസ്ഥാന സെക്രട്ടേറിയറ്റംഗം ടി.എ. വേണു, നഗരസഭാധ്യക്ഷന്‍ കെ.പി. ബാബു, നഗരസഭാംഗം അഡ്വ. അബു മൊയ്തീന്‍, ജില്ലാ പഞ്ചായത്തംഗം അനുമോള്‍ അയ്യപ്പന്‍, ബിജെപി നിയോജകമണ്ഡലം ജന. സെക്രട്ടറി സന്തോഷ് പത്മനാഭന്‍, കെ.ടി. ധര്‍മ്മജന്‍, എം.എഫ്. സിനോജ് എന്നിവര്‍ സംസാരിച്ചു. സംസ്ഥാന കമ്മിറ്റിയംഗം ശശി കുഞ്ഞുമോന്‍ അവാര്‍ഡുദാനം നിര്‍വഹിച്ചു. ഡോ. അംബേദ്കര്‍ അവാര്‍ഡു ജേതാവ് കെ.പി.എം.എസ്. ജില്ലാ സെക്രട്ടറി കെ.എ. സിബിക്ക് സ്വീകരണം നല്‍കി. കെ.സി. അയ്യപ്പന്‍ സ്വാഗതവും പി.എം. കുഞ്ഞുമോന്‍ നന്ദിയും പറഞ്ഞു.
No comments:
Post a Comment