അമ്പലപ്പുഴ:സാമൂഹിക സാംസ്‌കാരിക സാമ്പത്തിക പിന്നാക്കാവസ്ഥ പരിഹരിക്കുവാന്‍ പട്ടികജാതി വനിതകള്‍ വികസനരംഗത്ത് മുന്നേറ്റം സൃഷ്ടിക്കണമെന്ന് കെ.പി.എം.എസ്. സംസ്ഥാന പ്രസിഡന്റ് പി.കെ. രാജന്‍. സംവരണ സീറ്റുകളില്‍ മാത്രം പട്ടികവിഭാഗങ്ങളെ ഒതുക്കാന്‍ ശ്രമിക്കുന്ന രാഷ്ട്രീയപാര്‍ട്ടികള്‍ കൂടുതല്‍ വില നല്‍കേണ്ടിവരുമെന്നും അദ്ദേഹം പറഞ്ഞു.
കേരള പുലയര്‍ മഹിളാ ഫെഡറേഷന്‍ ജില്ലാ സമ്മേളനം അമ്പലപ്പുഴയില്‍ ഉദ്ഘാടനം ചെയ്യുകയായിരുന്നു അദ്ദേഹം. കെ.പി.എം.എസ്. ജനറല്‍ സെക്രട്ടറി ബൈജു കലാശാല സന്ദേശവും ജില്ലാ സെക്രട്ടറി സി.സി. ബാബു ചികിത്സാ സഹായവും നല്‍കി. മഹിളാ ഫെഡറേഷന്‍ ജില്ലാ പ്രസിഡന്റ് തങ്കമണി അച്യുതന്‍ അധ്യക്ഷത വഹിച്ചു. സംസ്ഥാന പ്രസിഡന്റ് ബിനോമ, ആര്‍. രമ്യ, ശുഭ സതീഷ്, ബിന്ദു ശ്രീക്കുട്ടന്‍, ലളിതമ്മ തങ്കപ്പന്‍ തുടങ്ങിയവര്‍ പ്രസംഗിച്ചു.
No comments:
Post a Comment